大姨：軋拉迭個（香米）蠻粗個
父親：應(yīng)該要軋來細眼，個么燒起來快呀，粗個燒起慢
（我：風(fēng)干拉個是伐）
大姨：哦喲，我看電視劇么好笑個，兩個美國人……
外公：要擺一道燒大概
姨父：香米呀，小香米呀，就是米呀
外公：燒粥燒飯吃噶？
大姨：儂看看看噶，小香米是啥啦？白個呢紅個啦？
表姐：黃個伐
外公：看弗懂
母親：哎，就迭個沙發(fā)
我：還可以吧
母親：伊就是拿脫迭個一只（沙發(fā)構(gòu)件）
大姨：我看弗出（包裝上個小字）儂看得出個咯伐？
母親：迭個三只（沙發(fā)構(gòu)件）忒長嘚對伐，伲屋里沒介大，乃末拿脫一只，變兩只，再加只迭個，你覺著可以伐啦？顏色么就迭恁介個
我：可以呀
外公：眼睛儕不來事嘞，小個（字看弗出）
父親：手機拍照，拍好仔放大呀伐
大姨：黃個呀，迭個弗是燒飯個，小米，就是小米
（我：戴拉迭個腔調(diào)倒蠻好個）
外公：也燒粥個啊？弗是當(dāng)米吃個？
大姨：弗是燒飯個。黃個，小米。
母親：小米呀，就是儂燒粗糧咾啥
大姨：喏，脫簪簪米擺拉一道
外公：燒雜糧粥對伐啦？
母親：哎，雜糧粥厾眼許，厾眼許就好啊嘚
外公：儂講雜糧粥我有數(shù)啊嘚
父親：雜糧粥喏，儂燒個辰光，搿眼碎簪簪米儕好擺拉許
姨父：燒拉薄眼，覅厚來兮
母親：燒拉薄點，平常啥，平常實際人家飯里廂咾啥也厾眼許個
姨媽：（女兒名），儂哀個（蛋糕）覅買叨
外公：乃天瀴時雜糧粥燒兩碗
姨媽：什么“粑粑坊”？
母親：糯米粑粑坊，上趟介紹我去買過個喔
表姐：伲同事昨日子還拉買嘞
姨媽：乃覅買叨，三無產(chǎn)品，無證無照
表姐：三無產(chǎn)品多了去了
母親：三無產(chǎn)品多了去了，真是，多來
表姐：就是講呀
姨媽：弗衛(wèi)生個
我：哎，個么哀個雞頭米?吃過伐
表姐：有證也弗一定衛(wèi)生
母親：雞頭米啊，雞頭米么芡實呀
我：我上趟聽到講蘇州人吃拉蠻多個
母親：哎，雞頭米蠻好個呀，補血、補氣、補腎個
我：儂吃個伐啦，雞頭米啊
母親：沒吃過呀，哦，弗大吃個伲。迭個是，哀個，實際也蠻好個呀。蘇州弗是極多個喔。伲哀趟子到哀個西山去，旁邊頭賣個儕是迭個呀伐，一包一包是。老百姓自家，渠拉自家種個大概??？
姨媽：十幾塊一兩嘞
外婆：弟弟喏，只凳拉開來坐喏，只凳，
（外公：今朝眼垃圾結(jié)棍伐？）
外婆：乃只貓弗坐啊嘚
我：今朝儕是海鮮個殼
（外婆：兩地桶，大豐收
外公：拍滿一桶
姨父：儂一日天個海鮮清理過啊末？
母親：中塱廂個倒脫啊末？
外公：弄脫啊嘚儕，擺拉弗靈個
外婆：哀只貓占拉只位置，哦只狗也占拉只位置
母親：只狗板要上來個呀
我：弗是上趟我哀個四川個室友，伊講伊沒吃過芋艿，毛芋艿，伊講弗曉得啥叫毛芋艿
（大姨：儂拿兩只撥伊吃吃）
我：紹興個（室友）肯定吃過個，但是四川個弗曉得
（父親：儂叫大大奶奶蒸好仔拿兩只撥伊吃吃）
母親：哦，伊沒吃過啊，渠拉大概四川沒得種物事個喔
大姨：弗一樣個，學(xué)出來物事弗一樣個
母親：儂慢點喏，拿兩只撥伊嘗嘗味道，香來，儂脫伊講
